Härzlig willkomme uf dr Homepage vo de Junge Pfluderi! S Yschrybe fir d Drummel- und Pfyfferschuel vo e Junge Pfluderi isch am Mittwuch, 7. und am Mittwuch 14. Meerz 2012 zwischen em säggsi und em achti Zoobe im Restaurant Schnabel am Rimelinsblatz. Die wichtigschte Informatione über unsereri Clique Bi uns leersch nid numme drummle und pfyffe, sondern au Fasnacht mache! Willkomme sin Maitli und Buebe ab acht Joor (erschti Schuelklass). Mit 18 Joor findet denn dr Übertritt in Stammverein statt. Näbe dr Fasnacht finde au no ganz vieli witeri Aläss statt. Lueg doch eifach im Terminkaländer was als nägschts aaschtoht! IiebigsstundeD' Iiebigsstunde finde jewils am Mittwuch Zobe zwische 18.00 und 20.00 Uhr statt. D' Tamboure iiebe im Restaurant Schnabel (Trillegässli 2) am Rümelinsplatz. D' Pfiffer iiebe im Petersschuelhuus am Peterskirchplatz 5. Beidi Ort sin guet mit de öffentliche Verkehrsmittel erreichbar (Tramstatione Märtplatz und Lyss). FasnachtA dr Fasnacht laufe mir immer vor em Restaurant Schnabel, em Stammlokal vo dr Pfluderi Clique, ab. Dert wingge mr au immer wider ab. Am Morgestraich und am Mittwuch Zobe simmr zämme mit em Stamm und em Asyl unterwägs. Am Mittwuchoobe gits au immer dr traditionelli Gotte-/Göttihalt, wo die Junge vo ebberem vom Stamm zunere Crèmeschnitte im Barabara-Käller iiglade wärde. S Fasnachtssujet wird sälbverschtändlig vo de Junge sälber usdänggt und umgsetzt. Au dien mr d Larve sälber gaschiere und aamoole! Glyggegschicht D' Pfluderi Clique isch 1929 vo Mitglieder vom Veloclub Olympia im Restaurant Schnabel grindet worde. Syt den hän mir uns zunere mittelgrosse gmischte Stammglygge gmuuseret, wo immer no im Restaurant Schnabel deheim isch und am Noodlebärg 18 dr Glyggekäller het. Mr sinn also im Härz vo dr Innerstadt dehai! Im Joor 1946 het me denne die Jungi Garde uss dr Daufi ghobe und so hämmer im Joor 2006 dr 60. Geburtsdaag mit emene zweitägige Reisli und emene Jubelöbeli derfe fyre. Für die ältere Semeschter isch im Joor 1963 unseri Alti Garde, s Pfluderi-Asyl, grindet worde. Wenn de no me Details über d Gschicht vo de Pfluderi wötsch erfahre, lueg doch uf dr Site vom Stamm verby! Hesch Inträsse an unserer Clique und Luscht zum leere drummle oder pyffe und Fasnacht mache? Denn mäld die doch übers Kontaktformular !
|
